మోసానికి గురవుతారని హెచ్చరిస్తున్న యుఐడిఎఐ
పాఠశాల, కళాశాల అడ్మిషన్లకు, బ్యాంకు ఖాతాలు తెరవడానికి, ప్రయాణ సమయంలో, ఆస్తి కొనుగోలు మొదలైన వాటికి గుర్తింపు రుజువుగా ఆధార్ కార్డ్ ఉపయోగించడం సాధారణమైంది. నేడు ఇది అత్యంత ముఖ్యమైన డాక్యుమెంట్లలో ఆధార్ కార్డ్ ఒకటి. దేశంలో ఆధార్ కార్డును 2009లో ప్రారంభించారు. అప్పటి నుండి దీని వినియోగం పెరుగుతూ వస్తోంది. దేశంలోని ప్రతి పౌరుడి బయోమెట్రిక్ సమాచారం ఆధార్ కార్డులో నమోదు చేసినందున ఇది ఇతర పత్రాలకు భిన్నంగా ఉంటుంది. దీన్ని తయారు చేస్తున్నప్పుడు మన వేళ్ల వేలిముద్రలు, కళ్ల రెటీనా స్కాన్ చేస్తారు. అయితే పాఠశాల, కళాశాల అడ్మిషన్లకు, బ్యాంకు ఖాతాలు తెరవడానికి, ప్రయాణ సమయంలో, ఆస్తులు కొనుగోలు చేసేందుకు ఆధార్ కార్డును ఐడీ ప్రూఫ్‌గా ఉపయోగించే వినియోగదారులను యుఐడిఎఐ హెచ్చరించింది . ఆధార్ కార్డు వినియోగం పెరగడంతో పాటు దానికి సంబంధించిన మోసాల కేసులు కూడా పెరుగుతున్నాయి. ఇటీవల కాలంలో ఈ కార్డును ఉపయోగించి వ్యక్తుల ఖాతాల్లోంచి లక్షల రూపాయలను మోసగాళ్లు దోచుకున్న సందర్భాలు చాలానే ఉన్నాయి.
ఈ పరిస్థితిలో ఆధార్ కార్డ్ జారీ చేసే సంస్థ యుఐడిఎఐ తన అధికారిక ట్విట్టర్ హ్యాండిల్ నుండి ఒక ట్వీట్‌ను పంచుకుంది. ఆధార్ వినియోగదారులు తమ ఆధార్ సంబంధిత ఒటిపి వివరాలను ఎవరితోనూ పంచుకోవద్దని యుఐడిఎఐ తెలిపింది. దీనితో పాటు యుఐడిఎఐ మిమ్మల్ని కాల్, ఎస్ఎంఎస్ లేదా ఇమెయిల్ ద్వారా మీ ఆధార్ ఒటిపి కోసం ఎప్పుడూ అడగదని యుఐడిఎఐ(UIDAI) తెలిపింది.
దీంతో పాటు ఎలాంటి పబ్లిక్ కంప్యూటర్‌ను ఉపయోగించి ఇ-ఆధార్‌ను డౌన్‌లోడ్ చేయవద్దని యుఐడిఎఐ సూచించింది. అజాగ్రత్త వహిస్తే ఆధార్ సమాచారం సైబర్ నేరస్థుల చేతిలో ఉంటుంది. మీరు మోసానికి గురవుతారు. ఇంట్లో కూర్చొని మీ ఆధార్ కార్డు దుర్వినియోగం అవుతుందా లేదా అనేది కూడా తెలుసుకోవచ్చు. అందువల్ల దీని గురించి తెలుసుకుందాం.
ఆధార్ కార్డ్ చరిత్రను ఎలా తనిఖీ చేయాలో తెలుసుకోండి
ముందుగా మీరు uidai.gov.in వెబ్‌సైట్‌ను సందర్శించాలి.
దీని తర్వాత My Aadhaar కార్డ్ ఎంపికను ఎంచుకోండి.
దీని తర్వాత ఆధార్ అథెంటికేషన్ హిస్టరీ ఆప్షన్‌పై క్లిక్ చేయండి.
ఇక్కడ మీరు 12 అంకెల ఆధార్ నంబర్‌ను నమోదు చేయాలి.
ఆ తర్వాత Captcha నింపండి.
దీని తర్వాత, మీ మొబైల్‌కు OTP వస్తుంది, దానిని నమోదు చేయండి.
సబ్మిట్ బటన్‌ను నొక్కడం ద్వారా ఆధార్ కార్డ్ చరిత్ర మీ ముందు ప్రత్యక్షమవుతుంది.
దీని ద్వారా ఆధార్ కార్డ్ దుర్వినియోగం అవుతుందా.. లేదా.. తెలుసుకోవచ్చు.