ఆదాయపు పన్ను కడ్తున్నారా…? స్లాబ్‌లు అర్థం కావడం లేదా..?

 బడ్జెట్ 2023లో ఆదాయపు కొత్త పన్ను స్లాబ్ లను ప్రకటించారు

కొత్త విధానం ప్రకారం,  రూ.7 లక్షల వరకు వార్షిక ఆదాయంపై పన్ను చెల్లించాల్సిన అవసరం లేదు

బడ్జెట్ 2023-24లో ప్రభుత్వం వేతనం పొందేవారు, సామాన్య ప్రజలకు ఊరటనిచ్చింది. అయితే ఇది అందరికీ సులభంగా అర్థం కావడం లేదు. సులభంగా మీకు అర్థమయ్యేలా చెబుతాను చూడండి. కొత్త విధానంలో సంవత్సరానికి రూ.3 లక్షలు సంపాదించినా, ఒక్క పైసా పన్ను పడదు. గతంలో ఇది రూ.2.5 లక్షలు మాత్రమే ఉంది. ఇక మరో విషయం కొత్త విధానంలో రూ.3 లక్షలు దాటి రూ.7 లక్షల వరకు వార్షిక సంపాదన ఉన్నా పర్లేదు. ఎందుకంటే రూ.7 లక్షలు – 3 లక్షలు = రూ.4 లక్షల సంపాదనపై రిబేటు లభిస్తుంది కావున్న ఎలాంటి పన్ను చెల్లించాల్సిన అవసరం లేదు.

 కొత్త పన్ను విధానాన్ని డిఫాల్ట్ పన్ను విధానంగా మార్చారు. అయితే పన్ను చెల్లింపుదారులు పాత విధానాన్ని కూడా ఎంచుకునే అవకాశం ఉంటుంది. 

కొత్త విధానం కింద 5 శ్లాబులకు తగ్గించారు

రూ.3 లక్షల వరకు ఆదాయంపై 0% పన్ను ఉంటుంది. 

రూ.3 నుంచి 6 లక్షల మధ్య ఆదాయంపై 5% పన్ను ఉంటుంది. 

రూ.6 నుంచి 9 లక్షల ఆదాయంపై 10%

రూ.9 నుంచి 12 లక్షల ఆదాయంపై 15%

రూ.12 నుంచి 15 లక్షల ఆదాయంపై 20%

రూ.15 లక్షలకు పైబడిన ఆదాయంపై 30% పన్ను రేటు ఉంటుంది. 

రూ.7 లక్షల కంటే ఎక్కువ ఆదాయంపై కొత్త రేట్ల ప్రకారం పన్ను మినహాయిస్తారు. కొత్త పన్ను విధానంలో, జీతాలు తీసుకునే ఉద్యోగులు, పెన్షనర్లకు స్టాండర్డ్ డిడక్షన్‌ను రూ.52,500కి పెంచాలని ప్రతిపాదించారు. జీతభత్యాలకు రూ.50,000 స్టాండర్డ్ డిడక్షన్ ఇవ్వాలని ప్రతిపాదించారు.

కొత్త పన్ను విధానం ఎలా ఉంటుంది? 

ఆదాయం  (ఏడాదికి)	పన్ను శాతమ్
0-3 లక్షలు	పన్ను లేదు
3 నుంచి 6 లక్షలు	5%
6 నుంచి 9 లక్షలు	10%
9 నుంచి 12 లక్షలు	15%
12 నుంచి 15 లక్షలు	20%
15 లక్షల కంటే ఎక్కువ	30%

కొత్త విధానంలో ఆదాయపు పన్ను ఎలా లెక్కిస్తారు

పైన పేర్కొన్న ఆదాయపు పన్ను రేట్లు రూ. 7 లక్షల కంటే ఎక్కువ వార్షిక ఆదాయానికి వర్తిస్తాయి. మీ వార్షిక వేతనం రూ. 7,00,100 అయితే మీరు పన్ను చెల్లించాల్సి ఉంటుంది. కొత్త విధానం ప్రకారం, రూ. 3 నుండి 6 లక్షల ఆదాయంపై 5% పన్నును, రూ. 6 నుండి రూ.7,00,100 లక్షల వరకు 10% పన్నును లెక్కించాలి.

జీతం ప్రకారం ఆదా లెక్కలను అర్థం చేసుకోండి..

వార్షిక జీతం	పాత విధానంలో ఆదాయపు పన్ను (2022-23)	కొత్త విధానంలో ఆదాయపు పన్ను (2023-24)	ప్రయోజనం
8 లక్షల రూపాయలు	రూ.65,000	రూ.35,000	రూ.30,000
9 లక్షల రూపాయలు	రూ.85,800	రూ.45,000	రూ.40,800
10 లక్షల రూపాయలు	రూ.1,06,600	రూ.60,000	రూ.46,600
రూ.12 లక్షలు	రూ.1,63,800	రూ.90,000	రూ.73,800
15 లక్షల రూపాయలు	రూ.2,57,400	రూ.1,50,000	రూ.1,07,400
20 లక్షల రూపాయలు	రూ.4,13,400	రూ. 3,00,000	రూ.1,13,400

 బడ్జెట్ లో 5 ప్రకటనలు

1. పాత, కొత్త పన్ను విధానంలో రూ.5 లక్షల వరకు ఆదాయం ఉన్నవారు ఎలాంటి పన్ను చెల్లించరు. కానీ కొత్త పన్ను విధానంలో రాయితీ పరిమితిని రూ.7 లక్షలకు పెంచారు. అంటే కొత్త పన్ను విధానంలో రూ.7 లక్షల ఆదాయం ఉన్నవారు ఇకపై ఎలాంటి పన్ను చెల్లించాల్సిన అవసరం లేదు.
2. మధ్యతరగతి కోసం 2020లో కొత్త పన్ను విధానం తీసుకువచ్చారు, ఇది 6 పన్ను స్లాబ్‌లను కలిగి ఉంది, అది ఇప్పుడు 5 కి తగ్గించారు. పన్ను మినహాయింపు పరిమితిని 2.5 లక్షల నుండి 3 లక్షలకు పెంచారు. 
3. జీతం పొందే పన్ను చెల్లింపుదారులు, పెన్షనర్‌లకు స్టాండర్డ్ డిడక్షన్ పరిమితి పెంచారు. అయితే ఇది రూ. 15.5 లక్షల ఆదాయంపై వర్తిస్తుంది. ఇంత ఆదాయంలో రూ.52,500 లాభం పొందనున్నారు. దీని కంటే తక్కువ ఆదాయంపై స్టాండర్డ్ డిడక్షన్ పరిమితి 50,000 మాత్రమే ఉంటుంది.
4. కొత్త పన్ను విధానం డిఫాల్ట్ పన్ను విధానంగా ఉంటుంది, కానీ మీరు పాత పన్ను విధానం ఎంపిక కూడా చేసుకోవచ్చు.
5. సెలవు ఎన్‌క్యాష్‌మెంట్‌పై ప్రకటన చేశారు. ఇప్పుడు జీతం పొందే ఉద్యోగి పదవీ విరమణ తర్వాత సెలవును ఎన్‌క్యాష్ చేయడానికి మినహాయింపు పరిమితిని రూ.25 లక్షలకు పెంచారు. ఇప్పటి వరకు రూ.3 లక్షల వరకు పరిమితిపై ఈ మినహాయింపు అందుబాటులో ఉంది.
6. దేశంలో గరిష్ట పన్ను రేటు 42.74%, ఇది కొత్త పన్ను విధానంలో 37% నుండి 25%కి తగ్గించారు. ఇప్పుడు గరిష్ట పన్ను రేటు 39 శాతానికి తగ్గించారు.

 కొత్త పన్ను శ్లాబ్ ప్రయోజనాలు

కొత్త పన్ను స్లాబ్ ప్రయోజనాలను చూస్తే, గతంలో రూ.9 లక్షల వరకు ఆదాయం ఉన్నవారు రూ.60 వేలు పన్ను చెల్లించాల్సి వచ్చేది. ఇప్పుడు ఈ ఆదాయం వర్గానికి చెందిన వ్యక్తులు 25 శాతం వరకు ప్రయోజనం పొందుతారు. అంటే వారు ఇకపై రూ.45 వేలు మాత్రమే పన్ను చెల్లించాల్సి ఉంటుంది. అదేవిధంగా గతంలో రూ.15 లక్షల వరకు ఆదాయంపై రూ.1,87,500 పన్ను విధించారు. ఇప్పుడు 20 శాతం ప్రయోజనంతో అటువంటి వ్యక్తులు కేవలం రూ. 1 లక్షా 50 వేలు మాత్రమే పన్ను చెల్లించాలి. 

అయితే, 2020లో ప్రభుత్వం కొత్త పన్ను విధానాన్ని ప్రవేశపెట్టింది. ఇందులో ఆదాయాన్ని బట్టి వివిధ పన్ను శ్లాబులను నిర్ణయించారు. కానీ ఆదాయపు పన్ను చెల్లింపుదారులకు ఇది తప్పనిసరి చేయలేదు. వారు తమ ఆదాయపు పన్ను రిటర్న్‌లను ఈ రెండు ఎంపికలలో దేనినైనా ఉపయోగించి ఫైల్ చేయవచ్చు

ఇప్పుడు పన్ను పరిధి ఏమిటి? 

ఆదాయం  (సంవత్సరం)	పాత పన్ను రేటు	కొత్త పన్ను రేటు
2.50 లక్షల వరకు ఉంటుంది	ఏమిలేదు	ఏమిలేదు
2.50-05 లక్షల వరకు	05%	05%
05-7.50 లక్షల వరకు	20%	10%
7.50-10 లక్షల వరకు	20%	15%
10-12.50 లక్షల వరకు ఉంటుంది	30%	20%
12.50- 15 లక్షల వరకు	30%	25%
15 లక్షల పైన	30%	30%

ప్రస్తుతం మినహాయింపు రూ.5 లక్షల పరిధిలో కూడా ఉంది
 ప్రస్తుతం రూ.5 లక్షల వరకు నికర పన్ను విధించదగిన ఆదాయం ఉన్న వ్యక్తి  సెక్షన్ 87ఎ కింద రూ. 12,500 వరకు పన్ను మినహాయింపు ప్రయోజనాన్ని పొందుతున్నారు. అయితే కొత్త పన్ను విధానంలో అటువంటి వ్యక్తులు 87ఎ కింద వివిధ పెట్టుబడులను చూపడం ద్వారా పన్ను నుండి మినహాయింపు పొందుతారు. రూ.5 లక్షల వరకు ఆదాయం ఉన్నవారు కూడా ఎటువంటి పన్ను చెల్లించాల్సిన అవసరం లేదు. 

2014 నుండి సెక్షన్ 80C కింద మినహాయింపు పరిమితిలో ఎలాంటి మార్పు లేదు. 2014 బడ్జెట్‌లో 80సి కింద చేసే పెట్టుబడులపై ఆదాయపు పన్ను మినహాయింపు పరిమితిని రూ. 1 లక్ష నుంచి రూ. 1.5 లక్షలకు పెంచగా, గృహ రుణంపై వడ్డీ మినహాయింపు పరిమితిని రూ. 1.5 లక్షల నుంచి రూ. 2 లక్షలకు పెంచారు.

2015 బడ్జెట్‌లో, సెక్షన్ 80సిసిడి కింద నేషనల్ పెన్షన్ స్కీమ్ (ఎన్పిఎస్)కి విరాళాల కోసం ప్రభుత్వం రూ. 50,000 అదనపు మినహాయింపును ప్రవేశపెట్టింది. 

ఆరోగ్య బీమా ప్రీమియంపై మినహాయింపు పరిమితిని కూడా రూ.15,000 నుంచి రూ.25,000కి పెంచారు. అయితే, ఈసారి కూడా అందులో చెప్పుకోదగ్గ మార్పు లేదు.