మీ పిల్లల ఉన్నత చదువులకు డబ్బు కావాలా?

• ఈ స్కీమ్ లో పెట్టుబడి పెట్టండి.. 15 ఏళ్లలో పెద్ద మొత్తం పొందండి

నేడు పిల్లల చదువు, భవిష్యత్తు గురించి ఆందోళన పెరిగింది. పిల్లల ఉన్నత చదువుల కోసం భారీగా ఖర్చు పెడుతున్నారు. కానీ మీరు మీ బిడ్డ పుట్టినప్పటి నుంచే పెట్టుబడిని ప్రారంభిస్తే, మీరు 15 సంవత్సరాలలో భారీ మొత్తాన్ని మీ పిల్లల మంచి విద్య కోసం అందించవచ్చు. ఇక్కడ రెండు పెట్టుబడి ఎంపికలు ఉన్నాయి, ఇక్కడ మీరు నెలకు రూ. 5000 పెట్టుబడి పెడితే, మీరు చక్రవడ్డీ ప్రయోజనం పొందుతారు. కొన్ని సంవత్సరాలలో లక్షల రూపాయలను కూడబెట్టుకుంటారు.

పిపిఎఫ్ (PPF)
పబ్లిక్ ప్రావిడెంట్ ఫండ్ అంటే PPF అనేది చాలా పాపులర్ స్కీమ్, ఈ పథకంలో సులభంగా పెట్టుబడి చేయవచ్చనే విషయం మీకు తెలుసా.. ప్రతి సంవత్సరం కనిష్టంగా రూ.500 ఇన్వెస్ట్ చేయవచ్చు, అలాగే గరిష్టంగా రూ.1.5 లక్షల వరకు పెట్టవచ్చు. ఇది మీరు ప్రభుత్వ గ్యారెంటీని పొందే పథకం, అంటే మీరు ఎంత మొత్తంలో పెట్టుబడి పెట్టినా, మీకు హామీతో కూడిన రాబడి లభిస్తుంది. ప్రస్తుతం పీపీఎఫ్‌పై 7.1 శాతం వడ్డీ చెల్లిస్తున్నారు.

అలాంటప్పుడు నెలకు రూ.5 వేలు అయినా ఇన్వెస్ట్ చేస్తే ఏడాదికి రూ.60 వేలు పెట్టుబడి పెడతారు. PPF అనేది 15 సంవత్సరాల పథకం, దీనిలో పెట్టుబడి వెనక్కి తీసుకోలేము. మీరు 15 సంవత్సరాలలో మొత్తం 9 లక్షల రూపాయల పెట్టుబడి పెట్టారు. తొమ్మిది సంవత్సరాల్లో 7.1 శాతం వడ్డీతో మీరు ఈ PPFపై దాదాపు రూ. 7,27,284 పొందుతారు. ఈ విధంగా మెచ్యూరిటీలో మీరు రూ. 9 లక్షల పెట్టుబడి మరియు వడ్డీతో కలిపి మొత్తం రూ. 16,27,284 పొందుతారు. ఈ మొత్తాన్ని మీ పిల్లల భవిష్యత్తు కోసం వినియోగించుకోవచ్చు.

సిస్టమెటిక్ ఇన్వెస్ట్మెంట్ ప్లాన్ (SIP)
మీరు SIP ద్వారా మ్యూచువల్ ఫండ్లలో పెట్టుబడి పెట్టవచ్చు అయితే దీని రిస్క్ ఉంటుంది సుమా.. ఇది మార్కెట్ తో లింక్ అయినందున రాబడికి ఎటువంటి హామీ ఉండదు. కానీ నిపుణుల అభిప్రాయం ప్రకారం, దీర్ఘకాల పెట్టుబడితో SIP ద్వారా సగటున 12 శాతం రాబడిని పొందవచ్చు. ఒకవేళ మీరు సిప్ ఆప్షన్‌ను ఎంచుకున్నా.. నెలకు రూ.5 వేలు మాత్రమే ఇన్వెస్ట్ చేయాల్సి ఉంటుంది.

కానీ మనం సగటు రాబడిని 12 శాతం లెక్కిస్తే, 15 సంవత్సరాలలో రూ. 9 లక్షల పెట్టుబడికి వడ్డీగా రూ. 16,22,880 వస్తుంది. 15 సంవత్సరాల తర్వాత, మీరు పెట్టుబడి పెట్టిన మొత్తం మరియు వడ్డీతో కలిపి మొత్తం రూ. 25,22,880 పొందుతారు, ఇది మీ పిల్లల భవిష్యత్తుకు చాలా ఉపయోగకరంగా ఉంటుంది.

గమనిక – ఇది సాధారణ సమాచారం మాత్రమే.. ఏదైనా పెట్టుబడి పెట్టే ముందు ఈ రంగంలో నిపుణుడిని సంప్రదించండి.