ఆదాయపు పన్ను చట్టం ప్రకారం ఇంట్లో ఉంచుకునే నగదుపై ఎలా పరిమితులు లేవు గానీ, ఇన్‌కమ్ ట్యాక్స్ రైడ్ జరిగితే ఆ డబ్బు మూలాన్ని రుజువు చేయడం తప్పనిసరి. అప్పుడు లెక్కలో చూపని డబ్బుకు జరిమానా విధించవచ్చు మరియు వివరించని డబ్బును స్వాధీనం చేసుకునే అధికారం ఆదాయపు పన్ను శాఖ అధికారులకు ఉంటుంది. మొత్తం డబ్బులో 137% వరకు జరిమానా విధించబడుతుంది. రుణాలు లేదా పెట్టుబడుల కోసం 20,000 లేదా అంతకంటే ఎక్కువ నగదును స్వీకరించలేరు. ఆదాయపు పన్ను శాఖ దీన్ని పూర్తిగా నిషేధించిందని గుర్తుంచుకోండి.
రూ.50,000 కంటే ఎక్కువ లావాదేవీలకు పాన్ నంబర్లు తప్పనిసరి : వ్యక్తులు ఒకేసారి రూ.50,000 కంటే ఎక్కువ డిపాజిట్లు, విత్‌డ్రాలకు తప్పనిసరిగా పాన్ నంబర్‌ను అందించాల్సి ఉంటుందని సెంట్రల్ బోర్డ్ ఆఫ్ డైరెక్ట్ టాక్సేషన్ చెబుతోంది.
రూ.30 లక్షలకు మించిన ఆస్తుల కొనుగోలు లేదా విక్రయాలు దర్యాప్తు సంస్థల పరిశీలనలోకి వస్తాయి.
రూ. 1 లక్ష కంటే ఎక్కువ క్రెడిట్ లేదా డెబిట్ కార్డుల ద్వారా చేసే చెల్లింపులను ఆదాయపు పన్ను శాఖ పర్యవేక్షిస్తుంది.
ఒక సంవత్సరంలో బ్యాంకు నుంచి రూ.1 కోటి కంటే ఎక్కువ విత్‌డ్రా చేసే వ్యక్తులు 2% టీడీఎస్ చెల్లించాల్సి ఉంటుందనే విషయం గుర్తుంచుకోండి.
ఒక సంవత్సరంలో 20 లక్షలకు మించిన లావాదేవీలు జరిపారా.. ఇక అంతే సంగతులు ఆదాయ పన్ను శాఖ వీటికి తప్పనిసరిగా జరిమానా విధిస్తుంది. 30 లక్షలకు పైబడిన ఆస్తుల కొనుగోలు, విక్రయాలను కేంద్ర ఏజెన్సీలు పర్యవేక్షిస్తాయి.
పాన్, ఆధార్ లేకుండా కొనుగోళ్లకు 2 లక్షలకు మించి నగదు చెల్లించవద్దు. క్రెడిట్, డెబిట్ కార్డులతో జాగ్రత్తగా ఉండండి, ఎందుకంటే వీటిని వినియోగించిఎక్కువ లావాదేవీలపై కూడా పరిమితులు ఉన్నాయి.
బంధువు నుంచి ఒకరోజులో రూ.2 లక్షల కంటే ఎక్కువ నగదు స్వీకరించేందుకు షరతులు ఉన్నాయి. చట్టపరమైన శాఖలను నివారించడానికి మరియు ఆదాయపు పన్ను నియమాలకు అనుగుణంగా ఉండేలా ఈ రూల్స్ ను అర్థం చేసుకోవడం చాలా ముఖ్యం.