మీరు ఆధార్ కార్డ్‌లో మీ చిరునామా, ఇతర మార్పులు చేయాలనుకుంటున్నారా.. అంటే ఆధార్ ను అప్‌డేట్ చేయాలనుకుంటున్నారా.. మీరు దీన్ని ఇంట్లోనే కూర్చుని సులభంగా చేయవచ్చు. ఆన్‌లైన్ ఆధార్‌లో చిరునామా మార్పు చేసుకునే వీలుంది. అడ్రస్ ప్రూఫ్‌గా ఆధార్ కార్డ్ ఉపయోగపడుతుంది, కావున దానిలో పేర్కొన్న చిరునామా కరెక్టుగా ఉండాల్సిన అవసరం ఉంది. చాలా మంది వ్యక్తులు చిరునామాను మార్చుకోవడంలో ఇబ్బందులు ఎదుర్కొంటున్నారు. ఆధార్ సెంటర్ వెళితే పెద్ద క్యూలు, ఆలస్యం వంటివి చూడాల్సి వస్తోంది. ప్రజలు నగరాన్ని మార్చినప్పుడు ఆధార్‌లో అప్‌డేట్ చేయాల్సి ఉంటుంది. వారు దీన్ని ఇబ్బందిగా భావిస్తారు. కానీ అది అలా కాదు. ఆధార్ కార్డ్ ఒక ముఖ్యమైన పత్రం, దీనిలో మీ పేరు, మొబైల్ నంబర్, అడ్రస్ వంటి సమాచారం అంతా సరిగ్గా ఉండాలి. ఆధార్ కార్డులో ఇంటి చిరునామా మార్చుకోవడానికి ఎక్కడికీ వెళ్లాల్సిన పనిలేదు.
మీరు ఇంటి వద్ద చిరునామాను అప్‌డేట్ చేయవచ్చు
మీరు ఇంట్లో కూర్చొని ఆన్‌లైన్‌లో అప్‌డేట్ చేసుకోవచ్చు. దీని కోసం మీరు రూ. 50 నామమాత్రపు రుసుము చెల్లించాలి. మీ చిరునామా నవీకరించబడుతుంది. UIDAI(యూనిక్ ఐడెంటిఫికేషన్ అథారిటీ ఆఫ్ ఇండియా) వివిధ రకాల సేవలను అందిస్తుండగా, మనం ఆధార్‌లో చిరునామా, ఫోటో, పేరు కూడా మార్చుకోవచ్చు. కేవలం UIDAI వెబ్‌సైట్‌ని సందర్శించి, ఈ పనులను పూర్తి చేయవచ్చు.
చిరునామా అప్ డేట్ ఇలా..
- UIDAI myaadhaar.uidai.gov.in అధికారిక వెబ్‌సైట్‌కి వెళ్లాలి .
- లాగిన్ చేయడానికి మీ 12 అంకెల ఆధార్ నంబర్‌ను నమోదు చేయాలి. దీని తర్వాత క్యాప్చా కోడ్‌ను టైప్ చేసి.. Send OTPపై క్లిక్ చేయండి.
- మీ రిజిస్టర్డ్ మొబైల్ నంబర్‌కు OTP వస్తుంది. దాన్ని నమోదు చేసి లాగిన్ చేయండి.
- టాప్ మెనూలో ఆధార్ అప్‌డేట్ ఆప్షన్‌కి వెళ్లండి. దీని తర్వాత ప్రొసీడ్ టు ఆధార్ అప్‌డేట్ ఆప్షన్‌పై క్లిక్ చేయండి.
- ఇప్పుడు తదుపరి పేజీలో చిరునామాను ఎంచుకుని, ఆధార్ అప్‌డేట్‌కు వెళ్లండి ఎంపికపై క్లిక్ చేయండి.
- ఇలా చేయడం ద్వారా మీ ప్రస్తుత చిరునామా తెరపై కనిపిస్తుంది.
- మీరు అప్‌డేట్ చేయాలనుకుంటున్న చిరునామా ఎంపిక కనిపిస్తుంది. కొత్త చిరునామా వివరాలను పూరించాలి.
- మీరు మీ కొత్త చిరునామాను కలిగి ఉన్న పత్రాన్ని సమర్పించాలి.
- మీరు క్రింద ఇచ్చిన రెండు చెక్ బాక్స్‌లపై క్లిక్ చేసి, Nestపై క్లిక్ చేయాలి.
- చెల్లింపు ఎంపిక మీ ముందు కనిపిస్తుంది. మీరు మీ ఎంపిక ప్రకారం UPI, నెట్ బ్యాంకింగ్ లేదా కార్డ్ ద్వారా చెల్లింపు చేయవచ్చు.
- చెల్లింపు పూర్తయిన వెంటనే మీకు రసీదు వస్తుంది. దీని తర్వాత మీ ఆధార్ 2 రోజుల్లో అప్‌డేట్ చేయబడుతుంది.