మీ పిల్లల మెరుగైన భవిష్యత్తుకు ప్లానేెెంటి..

వారి కోసం పెట్టుబడి పెట్టాలనుకుంటున్నారా..ఈ పథకాలలో ఇన్వెస్ట్ చేయండి..

 నేడు పిల్లల భవిష్యత్ గురించి, వారికి ఆర్థికంగా భరోసా ఇచ్చే తల్లిదండ్రులు పెరుగుతున్నారు. పిల్లల భవిష్యత్తు కోసం ప్రణాళికలు వేసుకోవడం ఈ రోజుల్లో అవసరంగా మారింది. పిల్లల భవిష్యత్తు కోసం ప్లాన్ చేస్తున్నప్పుడు, ఒక విషయాన్ని గుర్తుంచుకోవడం చాలా ముఖ్యం, అది భవిష్యత్ ద్రవ్యోల్బణం.

మీరు పిల్లల మెరుగైన భవిష్యత్తు కోసం పెట్టుబడి పెట్టాలని ఆలోచిస్తున్నట్లయితే, మీరు ఈ పథకాలలో పెట్టుబడి పెట్టవచ్చు. పిల్లల కోసం ప్లాన్ చేసేటప్పుడు గుర్తుంచుకోవాల్సింది ఏమిటంటే 10 నుండి 15 సంవత్సరాల తర్వాత ద్రవ్యోల్బణం ఎంత ఉంటుంది. పిల్లలకు 18 ఏళ్లు వచ్చిన తర్వాత వారి చదువులు, పెళ్లి ఖర్చులు తల్లిదండ్రుల ముందు ఉంటాయి.

మీరు పిల్లల మెరుగైన భవిష్యత్తు కోసం పెట్టుబడి పెట్టాలని ఆలోచిస్తున్నట్లయితే,  అనేక ప్రభుత్వ, ప్రభుత్వేతర పథకాలు ఉన్నాయి. అందువల్ల పెట్టుబడిపై గరిష్ట రాబడిని పొందగలిగే కొన్ని పెట్టుబడి ఎంపికల గురించి తెలుసుకుందాం.

పబ్లిక్ ప్రావిడెంట్ ఫండ్ ఈ రోజుల్లో అత్యంత ప్రజాదరణ పొందిన పథకాలలో ఒకటి ఇది. ఈ పథకంలో పెట్టుబడి పెడితే, 7.1 శాతం వడ్డీ లభిస్తుంది. మీరు పిల్లల పేరుతో కూడా ఈ పథకంలో పెట్టుబడి పెట్టవచ్చు. ఈ పథకంలో రూ. 1.5 లక్షల పెట్టుబడిపై ఆదాయపు పన్ను సెక్షన్ 80C కింద మినహాయింపు లభిస్తుంది. పిల్లల ఖాతాలో రూ.3 లక్షల వరకు పెట్టుబడి పెట్టవచ్చు. ఈ పథకంలో పెట్టుబడి పెట్టడానికి కాల పరిమితి 15 సంవత్సరాలు.

మీ కుమార్తె కోసం పెట్టుబడి పెట్టాలని చూస్తున్నట్లయితే,  సుకన్య సమృద్ధి యోజనలో పెట్టుబడి పెట్టవచ్చు. మీరు ఈ పథకంలో సంవత్సరానికి కనిష్టంగా రూ. 250 పెట్టుబడి పెట్టాలి. అలాగే గరిష్టంగా ఒక సంవత్సరంలో రూ. 1.50 లక్షల వరకు పెట్టుబడి పెట్టవచ్చు. సుకన్య సమృద్ధి యోజనలో పెట్టుబడి పెడితే, మీకు 7.60 శాతం వడ్డీ లభిస్తుంది. మీరు ఈ పథకంలో 15 సంవత్సరాల పాటు పెట్టుబడి పెట్టవచ్చు. ఆడపిల్లకి 18 ఏళ్లు నిండిన తర్వాత ఆమె చదువుల కోసం, అలాగే అమ్మాయికి 21 ఏళ్లు నిండితే పెళ్లి కోసం ఈ డబ్బును తీసుకోవచ్చు.

మీరు మీ పిల్లలకు సురక్షితమైన భవిష్యత్తు కోసం మ్యూచువల్ ఫండ్ సిప్ లో కూడా పెట్టుబడి పెట్టవచ్చు. సిప్ లో పెట్టుబడి పెట్టడానికి మీరు రూ.100తో చిన్న మొత్తంలో కూడా పెట్టుబడి పెట్టవచ్చు.

వీటితో పాటు బ్యాంకులో డబ్బు ఆదా చేయాలని ప్లాన్ చేస్తుంటే ఫిక్స్‌డ్ డిపాజిట్ ఎంపిక అందరికీ తెలిసిన పథకం. మీరు మీ పిల్లల కోసం 5 నుండి 10 సంవత్సరాలకు ఎఫ్డీ చేయవచ్చు.