ప్రస్తుతం చాలా మంది ప్రైవేట్ ఉద్యోగాలు చేస్తున్నారు. ప్రైవేట్ ఉద్యోగాన్ని పూర్తిగా సురక్షితంగా పరిగణించలేము. ఏం జరుగుతుందో చెప్పలేం. కంపెనీలు తమ ఉద్యోగులకు ఎప్పుడు గుడ్ బై చెప్తాయో కూడా తెలియదు. ఇది జరిగితే, ఉద్యోగం కోల్పోయిన తర్వాత, మరొకదాన్ని వేదుక్కోవడానకి కొంత సమయం పడుతుంది. ఈ కాలంలో అనేక రకాల డబ్బు సంబంధిత సమస్యలు తలెత్తవచ్చు. కావున మనం కొన్ని సన్నాహాలు చేసుకోవడం చాలా ముఖ్యం, తద్వారా కష్ట సమయాలు వచ్చినా, ఆర్థిక సమస్యలు ఎదుర్కోవాల్సిన అవసరం లేదు. ముఖ్యమైన పని ఆగదు. ఈ రోజు మనం అలాంటి 5 విషయాలను తెలుసుకోబోతున్నాం, వీటిని ప్రతి ఒక్కరూ పాటిస్తే మంచిది.
అత్యవసర నిధి
భవిష్యత్తులో ఉత్పన్నమయ్యే ఏవైనా ఊహించని ఖర్చులను కవర్ చేయడానికి మీరు అత్యవసర నిధిని కేటాయించారా? సాధారణంగా వ్యక్తులు వ్యక్తిగత ఫైనాన్స్ అన్ని నియమాలను అనుసరిస్తారు, కానీ దీనిని మర్చిపోతారు. తరచుగా అత్యవసర నిధులు లేని వ్యక్తులు, సమస్యలు తలెత్తినా ఇబ్బందులు పడతారు. అలా చేయడం సరికాదు. భవిష్యత్తులో ఉత్పన్నమయ్యే ఏవైనా ఊహించని ఖర్చుల కోసం తగిన నిధులను విడిగా ఏర్పాటు చేసుకోవాలి.
ఆరోగ్య బీమా
ఊహించని వైద్య బిల్లులతో మీ జేబుపై భారం పడుతుంది. ఇన్సూరెన్స్ కవరేజీని పొందడం ఈనాడు ఎంతో అవసరం అనే విషయం తెలుసుకోవాలి. మీరు, మీ కుటుంబం బీమా పరిధిలోకి రానట్లయితే, ఏదైనా ఆరోగ్య సమస్య వస్తే, మీ పొదుపు మరియు పెట్టుబడులలో భారీ నష్టాన్ని చూడాల్సి వస్తుంది. ప్రమాదం లేదా ఏదైనా అనుకోని పరిస్థితుల్లో నష్టపోయినప్పుడు మీ కుటుంబ సభ్యులకు బీమా ఆర్థిక పరిహారాన్ని అందిస్తుంది. మీ బీమా అవసరాలను అంచనా వేయండి. తదనుగుణంగా బీమాను కొనుగోలు చేయండి. మీరు చౌకైన బీమా ఎంపిక అయిన టర్మ్ ఇన్సూరెన్స్ తీసుకోవడం మంచిది.
రుణాన్ని నివారించండి
సాధారణంగా, యువకులు తమ జీవనశైలిని మెరుగుపరచుకోవడానికి, మార్చుకోవడానికి ఒక మానసిక స్థితిని కలిగి ఉంటారు. అందుకే వారు తమ రీపేమెంట్ కెపాసిటీ కంటే ఎక్కువ రుణం తీసుకుంటారు. దీనిని నివారించాలి. మీరు రుణం తీసుకున్నట్లయితే, ముందుగా దాన్ని చెల్లించడంపై దృష్టి పెట్టండి. తిరిగి చెల్లించే సామర్థ్యం తక్కు కంటే ఎక్కువ అప్పులు తీసుకోకూడదు.
పెట్టుబడులు
మీ భవిష్యత్ ఆర్థిక లక్ష్యాలను సాధించడంలో పెట్టుబడులు అత్యంత ముఖ్యమైన పాత్ర పోషిస్తాయి. దీర్ఘకాలిక పెట్టుబడి పెద్ద లక్ష్యాలను సాధించడంలో సహాయపడుతుంది. ఇది కాకుండా, మీ తదుపరి తరానికి ఆర్థిక భద్రత కూడా లభిస్తుంది. అయితే, చాలా మంది దీర్ఘకాల పెట్టుబడులను మధ్య కాలంలోనే ముగిస్తారు. మీరు అలా చేయవద్దు. లక్ష్యాన్ని సాధించే వరకు దీర్ఘకాలిక పెట్టుబడికి కట్టుబడి ఉండండి.