CoinDCX Hack: భారత క్రిప్టో దిగ్గజాన్ని వణికించిన సీక్రెట్ ఎటాక్..

CoinDCX : ఇది ఓ సస్పెన్స్ థ్రిల్లర్ కథలా అనిపించొచ్చు. కానీ ఇది పూర్తిగా నిజం. భారతదేశపు అతిపెద్ద క్రిప్టో ఎక్స్చేంజ్ CoinDCXపై ఇటీవల జరిగిన సైబర్ దాడి ఇప్పుడు భారత క్రిప్టో వర్గాన్ని షేక్ చేస్తోంది. CoinDCX CEO సుమిత్ గుప్తా ఈ మోసం గురించి చెప్పారు. ఒక అంతర్గత లిక్విడిటీ ఖాతా హ్యాక్ చేయడం ద్వారా ఈ దోపిడీ జరిగిందని తెలిపారు. వినియోగదారుల డబ్బు సురక్షితంగా ఉన్నప్పటికీ సంస్థ కోషాగారం నుండి $44.2 మిలియన్  (రూ.381 కోట్లు) విలువైన క్రిప్టో కరెన్సీ మాయం అయ్యాయి.

ఈ దాడిని గుర్తించినది ఓ సెక్యూరిటీ రీసెర్చర్ ZachXBT. అతను Telegramలో వెల్లడించిన వివరాలు హృదయాన్ని గందరగోళపరిచేలా ఉన్నాయి. హ్యాకర్ 1 ETHని Tornado Cash  తో మోసం చేశాడు.  ఎందుకుంటే ఇది డార్క్ వెబ్‌లో  ఎవ్వరికీ తెలియకుండా లావాదేవీలు జరిపే విధానం. ఆ తర్వాత Solana నుంచి Ethereumకి బ్రిడ్జింగ్ చేసి, దొంగతనాన్ని మరింత సంక్లిష్టంగా చేశారు.

CoinDCX సంస్థ కూడా ఈ వివరాలను ధృవీకరించింది. మొత్తం నష్టం 4,443 ETH మరియు 1.55 లక్షల Solana టోకెన్లు. ఇవన్నీ ప్రస్తుతం ఒకే చోట నిలిచిపోయి ఉన్నాయి. ఏమాత్రం కదలిక లేదు. అసలు ఎవరు పంపించారు? ఎవరు తీసుకున్నారు? ఎక్కడున్నారు వారు?

వినియోగదారుల డబ్బు సేఫ్

CoinDCX CEO గుప్తా వెల్లడించిన ప్రధాన విషయం: ఈ ఖాతా కేవలం లిక్విడిటీ కోసం ఉపయోగించబడుతుంది. వినియోగదారుల డబ్బు వేరే వాలెట్లలో ఉందని ధృవీకరించారు.

“ఈ నష్టాన్ని మేమే భరిస్తాం. మా కోషాగారపు నిధులతో. వినియోగదారులకు క్షమాపణలు,” అంటూ ఆయన ట్వీట్ చేశారు. ఇది వినియోగదారులకు కొంత ఊరటే అయినా, సంస్థకు మాత్రం భారీ మైనస్.

CoinDCX ప్రతీకారం మొదలు

CoinDCX ఈ దాడిపై ఎదురుదాడికి దిగింది. “Recovery Bounty” పేరుతో ప్రోగ్రాం ప్రకటించింది. ఎవరికైనా ఈ నిధుల కోడ్ ట్రేసింగ్‌ విచారణలో సహాయం చేస్తే, వారి కోసం మొత్తం రికవరీ అయిన మొత్తంలో 25% వరకు బహుమతి!

అంటే దొంగను పట్టుకుంటే కేవలం చప్పట్లు కాదు, మిలియన్ల బహుమతులు కూడా ఉన్నాయి. గుప్తా వ్యాఖ్యలు మరింత ఆసక్తికరంగా ఉన్నాయి: “పణంగా పెట్టిన డబ్బును మళ్లీ తీసుకురావడం ఒక్కటే కాదు. అసలు నిందితులు ఎవరు? వాళ్లను పట్టుకోవడమే ప్రధాన లక్ష్యం.”

ఇంకా ఒక పాత నీడ

ఈ దాడి వార్త వింటే, గత ఏడాది జరిగిన WazirX హ్యాక్ గుర్తొస్తుంది. అక్కడ సరిగ్గా $230 మిలియన్ నష్టం జరిగిన ఘటన సంచలనం సృష్టించింది. అయితే ఇప్పుడు ఈ రెండు దాడుల మధ్య సంబంధాలపై గట్టి ప్రశ్నలు తలెత్తుతున్నాయి.

రక్షణ అవసరమే

ఈ ఘటన టెక్నాలజీపై మన ఆశ్రయాన్ని తిరిగి ప్రశ్నించేలా చేసింది. CoinDCX స్పందన సత్వరంగా మరియు బాధ్యతాయుతంగా ఉండటం అభినందనీయం. కానీ భవిష్యత్తులో ఇలాంటి ఘటనలు మళ్లీ జరగకూడదు. కాకపోతే మన డిజిటల్ భవిష్యత్తే ప్రమాదంలో పడుతుంది.